Iu zbulua paga Messit, PSG: Është krejtësisht e rreme!

  • E.K /
  • 19 shtator 2021 - 10:34
 Iu zbulua paga Messit, PSG: Është krejtësisht e rreme!

Gazeta franceze, L’Equipe publikoi të shtunën paketën e pretenduar të pagave të marrëveshjes trevjeçare të Leo Messit në Paris Saint-Germain, megjithatë drejtori sportiv Leonardo ka deklaruar publikisht se shifrat janë të rreme.

U raportua se Messi do të fitonte 30 milionë euro në secilin nga dy sezonet e tij të para me PSG, i ndjekur nga një i tretë me vlerë 40 milionë euro.

Megjithatë, Leonardo ka goditur L’Equipe për artikullin, duke e quajtur historinë si “të papranueshme” dhe “mosrespektuese” ndër termat e tjerë.

“Ne nuk mund të pranojmë kopertinën [e parë] të një gazete si L’Equipe,” tha ai.

“Është krejtësisht e rreme . Ajo tregon një mungesë respekti dhe ne nuk na pëlqeu. Është shumë larg nga e vërteta, për sa i përket kohëzgjatjes dhe numrave,” tha Leonardo.

“Ka klauzola konfidencialiteti, por mund të them se nuk është e vërtetë (në lidhje me tre vitet).

“Unë nuk e kuptoj kohën e publikimit. Është me të vërtetë shumë larg realitetit. Kohëzgjatja e kontratës është dy vjet. Nuk ka asnjë opsion të detyrueshëm ose jo të detyrueshëm [për një të tretë].”

(Kosova Sot Online)