Dy ndeshje interesante sot në Superligën e Kosovës në basketboll

  • E.K /
  • 19 shtator 2021 - 11:15
 Dy ndeshje interesante sot në Superligën e Kosovës në basketboll

Superliga e Kosovës në basketboll vazhdon sot me dy ndeshje tejet interesante.

Finalistët e Superkupës, Trepça dhe Prizreni 16 përballen të dielën në një super sfidë. Mitrovicasit kanë bërë shumë ndryshime nga stinori i kaluar, kurse prizrenasit pasi fituan Superkupën, kanë rritur ambiciet.

‘Xehetarët’ në xhiron e parë mposhtën Golden Eagle Yllin, kurse basketbollistët prizrenas shënuan fitore ndaj Rahovecit.

Golden Eagle Ylli-Bashkimi është një tjetër ndeshje që rikujton takimet e Superkupës, pasi këto dy skuadra u përballen edhe në çerekfinale të Kupës, ku fituan bindshëm therandasit, që shihen favoritë edhe për sfidën e së dielës.

E diel

17:00 Trepça – Prizreni 16                                       

19:00 Golden Eagle Ylli – Bashkimi

(Kosova Sot Online)