Pedro i hakmerret Mourinhos

  • A.P /
  • 27 shtator 2021 - 15:51
Pedro i hakmerret Mourinhos

Pedro e shfrytëzoi mundësinë për t’u hakmarrë ndaj Jose Mourinhos në fitoren e Lazios ndaj Romës në derbin e kryeqytetit italian të diele, duke e festuar përballë tij pasi shënoi gol.

Pedro u detyrua të gjejë klub të ri sapo Mourinho e mori në dorë Romën në verë dhe spanjolli tronditi duke e zgjedhur rivalin e Romës, Lazion.

Ish-ylli i Barcelonës dhe Chelseat e shënoi golin e dytë në fitoren dramatike të Lazios 3:2 kundër Romës së Mourinhos të dielën në Serie A.

Pedro e shijoi atë çast dhe festoi me pasion pas golit, si dhe më vonë me tifozët e Lazios.

Për më tepër, ai vrapoi në drejtim të Mourinhos për të festuar në fytyrën e tij.

Ky ishte goli i katërt i Pedros kundër një ekipi të udhëhequr nga Mourinho.

(Kosova Sot Online)