Lexoni edhe:
Kosovare Asllani pëson lëndim të rëndë, mbetet jashtë fushave deri në 4 muaj
Krasniqi: Krenar që është materializuar Qendra Kombëtare e Xhudos në Pejë
Kryetari i Partisë Demokratike të Kosovës, Memli Krasniqi ka thënë se është krenar që nisma e mëhershme për Qendrën Kombëtare të Xhudos në Pejë, është materializuar.
Përmes një postimi në “Facebook”, Krasniqi tha se Kosova duhet investuar edhe më tej për të zhvilluar sportin e xhudos.
Postimi i plotë:
Shumë krenar që nisma e mëhershme për Qendrën Kombëtare të Xhudos në Pejë, sot është materializuar, për të shërbyer si adresë e ngritjes së sportit të xhudos për të rinjtë e Pejës dhe mbarë Kosovës, duke ndjekur shembullin e të Artave tona, Majlindës, Distrias dhe Norës.
Ky sport ndërkombëtar që vajzat tona dhe mjeshtri Driton Kuka na e kanë bërë pjesë të historisë sonë si komb, tani e tutje do të zhvillohet në parametra të rinj e të organizuar.
Besimi në të rinjtë dhe të rejat tanë, na ka shpërblyer të gjithëve pa dallim. Prandaj duhet të punojmë e investojmë edhe më tej, për t’iu hapur atyre dritare të reja e perspektivë, që duke vënë në jetë talentin dhe shkathtësitë e tyre, jo vetëm të vazhdojnë të na bëjnë neve krenarë, por ta bëjnë Kosovën shtet të kampionëve, në lartësitë më të mëdha të sportit ndërkombëtar.
(Kosova Sot Online)
