Lexoni edhe:
Rikthehen emocionet e Ligës së Kampionëve me tetë ndeshjes: Vëmendja në derbin mes Atleticos dhe Liverpoolit
Neymari do të mungojë për Paris Saint-Germainin sonte në ndeshjen kundër BR Leipzig në Ligën e Kampionëve, për shkak të një lëndimi që e kishte pësuar me Kombëtaren e Brazilit.
PSG-ja ishte pa Neymarin edhe në takimin e kaluar në Ligue 1 kundër Angers të premten, i cili u zhvillua në ditën e njëjtë me takimin e Brazilit kundër Uruguait në kualifikime për Kupën e Botës. Klubi shpresonte se superylli brazilian do të rikthehej në kohë për ndeshjen e sotme kundër klubit gjerman në garën evropiane, por lëndimi ia ka pamundësuar një gjë të tillë atij.
PSG-ja konfirmoi se Neymari është duke u shëruar nga lëndimi dhe nuk do të jetë në gjendje të luajë të martën.
“Neymar JR është duke vuajtur nga dhimbje muskulore që prej se u rikthye nga grumbulli me Kombëtaren dhe i duhet ta zgjasë kohën e tretmanit mjekësor për edhe disa ditë, para se të rikthehet në grup”, thuhet në njoftimin e PSG-së.
Përveç Neymarit, do të mungojë edhe Leandro Paredes, po ashtu shkaku i një lëndimi.
(Kosova Sot Online )