Lexoni edhe:
Renditja e FIFA-s: Kosova pëson rënie të madhe
Renditja e FIFA-s: Belgjika vazhdon të prijë, Shqipëria ngrihet për tri pozita
Belgjika vijon të prijë në ranglistën botërore të ekipeve kombëtare të FIFA-s, me Shqipërinë që është ngritur për tri pozita, pas publikimit të renditjes më të re nga shtëpia e futbollit botëror të enjten.
Kombëtarja kuqezi zë vendin e 63-të në renditjen e re të FIFA-s tani.
Shqipëria i fitoi 5.60 pikë në renditjen e re, falë fitores kundër Hungarisë në ndeshjen kualifikuese për Kupën e Botës 2022 në tetor. Në renditjen e kaluar, publikuar në shtator, Shqipëria renditej e 66-ta.
Ndërkohë, renditjes i prin Belgjika, me Brazilin që ngel në vendin e dytë.
Ndërsa Franca ka kaluar në vendin e tretë, Italia në të katërtin dhe Anglia ka rënë në të pestin.
Argjentina në vendin e gjashtë, Portugalia në të shtatin, Spanja në të tetin, Meksika në të nëntin dhe Danimarka e 10-ta e mbyllin top 10-shën e renditjes së FIFA-s.
(Kosova Sot Online )
