Lexoni edhe:
Pas rimeçit Usyk-Joshua, Joe Joyce pret të dhurojë spektakël si sfidues i detyrueshëm
Çfarë po ndodh me lojtarët holandezë të Barcelonës?
Barcelona gjithmonë ka qenë e lidhur me lojtarët holandezë. Dhe ata të këtij sezoni, nën drejtimin e një trajneri holandez, duhej të ishin të rëndësishëm dhe vendimtarë.
Por, sezoni i tretë i Frenkie de Jong është më i komplikuari deri më tani. Fillimi ishte i mirë për Depay, por tani ish-yllit të Lyonit po i mungojnë golat. Në anën tjetër, Luuk de Jong nuk premtonte shumë edhe ashtu kur u transferua në fund të afatit kalimtar.
Këto janë kohë të vështira për bashkatdhetarët e figurave të rëndësishme të Barcelonës si Johan Cruyff, që ndryshoi historinë e klubit, apo vet Ronald Koeman, arkitekt i Kupës së pare Evropiane të Barcelonës, transmeton Gazeta Express.
Frenkie de Jong nuk po e ndihmon më mesfushën
De Jong pati paraqitje të mira në vitin e parë si lojtar i Barcelonës dhe në vitin e dytë ishte prej të paktëve që pati formë konstante. Edhe ndryshimet e pozicioneve të vazhdueshme nga Koeman nuk e kanë ndihmuar. Gjatë “El Clasicos”, ai bëri pesë humbje të topave, teksa bëri vetëm 48 pasime, një shifër e vogël për të.
Depay nuk po arrin të përfitojë
Depay nuk e ka freskinë e ndeshjeve të para dhe kjo ka filluar të dëshpërojë tifozët e Barcelonës. 4 gola në 12 ndeshje janë shifër e vogël për të, që i bie nga një gol në tri ndeshje. Ai gjithashtu ka dy asiste.
Luuk de Jong: 10 goditje dhe një gol
Ardhja e tij nuk ishte aspak e mirëseardhur nga tifozët e Barcelonës. Në Sevilla ai ishte qendërsulmuesi i tretë prapa En-Nesyrit dhe Rafa Mir. Deri tani ai ka shënuar një gol nga 10 goditje sa ka bërë gjithsej.
(Kosova Sot Online)
