Lexoni edhe:
Rezultati përfundimtar, këto janë votat në Prishtinë
Bayern Munich e përjetoi disfatën më të keqe në Kupën e Gjermanisë në historinë e klubit të mërkurën, pasi u mund bindshëm 5:0 nga Borussia Monchengladbach.
Gladbach kaloi në epërsi pas vetëm dy minutave lojë dhe e krijoi një epërsi prej 3:0 pas 21 minutave. Kjo ishte hera e parë që Bayerni i kishte pranuar tri gola kaq herët në një ndeshje të kupës. Ramy Bensebaini dhe Breel Embolo i shënuan nga dy gola secili për ekipin vendas, ndërsa Kouadio Kone e shënoi golin tjetër, i cili ishte i parë për të në fanellën e Gladbach.
Duke folur pas ndeshjes, drejtori sportiv i Bayernit Hasan Salihamidzic tha për ARD: “Jam plotësisht i tronditur. Ne nuk ishim fare të përqendruar në ndeshje. Ata ishin më të fortë se ne në çdo situatë”.
Rezultati përfundimtar, këto janë votat në PrishtinëLexoni edhe:
“Terr kolektiv. Është e pashpjegueshme. Ne e dimë sa vështirë është në Gladbach gjithmonë, dhe këtë e diskutuam para ndeshjes. Është e vështirë të shpjegohet, të jem i sinqertë”, nënvizoi ai.
Disfata ndaj Gladbach nënkupton se Bayerni është eliminuar nga Kupa e Gjermanisë në rrethin e 32 më të mirëve për sezonin e dytë radhazi.
(Kosova Sot Online )