Rebic rikthehet në stërvitje, i gatshëm për ndeshjen ndaj Interit

Sulmuesi i Milanit, Ante Rebic pritet të rikthehet në skuadër për Derby della Madonnina kundër Interit të dielën.

Kroati duket se është i gatshëm të rikthehet në grup këtë fundjavë, pasi filloi stërvitjen me një program individual, por më pas iu bashkua grupit për pjesën e mbetur të seancës.

Trajneri Stefano Pioli do të vlerësojë ish-anësorin e Eintracht Frankfurt, por Calciomercato raporton se ish-trajneri i Interit është optimist përpara ndeshjes kundër Nerazzurrëve.

Rebic, i cili u transferua te Milani në shtator 2019, ka hequr qafe problemin e kyçit të këmbës që e mbajti jashtë për pesë ndeshjet e fundit në të gjitha garat.

28-vjeçari ka luajtur 10 herë në sezonin 2021-2022, duke kontribuar një gol në Champions League dhe një tjetër në Serie A.

(Kosova Sot Online)