Lexoni edhe:
Kosova përballet sot me Jordaninë, në ndeshjen e parë pas shkarkimit të Challandes
Lëndimi i Fatit s’është i rëndë siç mendohej, ja kur do të kthehet ai
Lëndimi i Ansu Fatit nuk është aq i rëndë siç mendohej deri tani dhe ai mund të jetë i gatshëm për t’u kthyer në fushë pas rreth tri javëve.
Fati u lëndua të shtunën e kaluar në barazimin e Barcelonës 3:3 me Celta Vigon.
Sulmuesi 19-vjeçar e tërhoqi muskulin dhe u detyrua ta braktisë fushën më herët. Parashikimet e para ishin se ai do të mungonte deri në gjashtë javë.
Por pas vizitave të fundit mjekësore dhe takimit me një fizioterapeut, u mësua se Fati mund të rikthehet në fushë pas më pak se tri javëve.
Ky do të ishte lajm shumë i mirë për trajnerin e ri të Barçës, Xavi Hernandezin.
Fati u rikthye në fillim të këtij muaji nga një lëndim i rëndë në gju që e kishte lënë jashtë për gati një vit.
(Kosova Sot Online )
