Kosova synon fitore ndaj Norvegjisë sonte

  • A.P /
  • 25 nëntor 2021 - 15:34
Kosova synon fitore ndaj Norvegjisë sonte

“Dardanët” do ta nisin sonte nga ora 19:00 kampanjën parakualifikuese të FIBA Eurobasket 2025

Kosova do ta nisë sonte kampanjën parakualifikuese të FIBA Eurobasket 2025.

“Dardanët” do ta vizitojnë Norvegjinë, me të cilën do të përballen në Bergen duke filluar nga ora 19:00.

Verdhekaltrit kanë ushtruar për disa ditë në Prishtinë, ndërsa të hënën shkuan në Norvegji.

E të martën dhe të mërkurën ushtruan në tokën norvegjeze.

Ata janë të gatshëm për këtë sfidë.

Atmosfera në kampin e “Dardanëve” është mjaft e mirë dhe lojtarët e Kosovës shpresojnë në rezultat pozitiv.

Kjo do të jetë hera e parë që Kosova do të përballet me Norvegjinë.

Dardan Berisha me shokë presin mbështetje nga shqiptarët që jetojnë në këtë shtet.


(Kosova Sot Online)