Manchester Unitedi e mposht Crystal Palace në debutimin e Ralf Rangnick si trajner

Manchester Unitedi e ka mundur 1:0 Crystal Palace të dielën në Premierligë, në debutimin e Ralf Rangnick në stol si trajner i përkohshëm i djajve të kuq.

Fred e shënoi golin e triumfit të parë të Rangnick në pjesën e dytë në Old Trafford, i cili do ta drejtojë Unitedin deri në fund të këtij sezoni, para se ta marrë rolin e këshilltarit në klub.

Kjo ishte fitorja e dytë radhazi e djajve të kuq në Premierligë, që iu ndihmon atyre të ngrihen në vendin e gjashtë, vetëm tri pikë larg top katërshes.

Për skuadrën e Patrick Vieiras kjo ishte disfata e tretë rresht dhe e lë atë në vendin e 12-të me 16 pikë, gjashtë larg zonës së rënies nga liga.

(Kosova Sot Online)