Lexoni edhe:
Nën ndikimin e alkoolit gjuajti me armë në lokal dhe plagosi një person, i akuzuari dënohet me 4 vite e 6 muaj burgim
Bashkëlojtarët ia dhurojnë Mbappes një fanellë rinovimi për ditëlindjen e 23-të
Kylian Mbappe e festoi ditëlindjen e 23-të në një aheng me shoqëri të hënën mbrëma, gjatë të cilit bashkëlojtarët e tij te Paris Saint-Germain ia dhuruan një fanellë për rinovimin e marrëveshjes me klubit deri më 2050. E ardhmja e Mbappes në PSG mbetet tejet e paqartë, pasi kontrata e tanishme i mbaron në verë dhe besohet se ai do t’i bashkohet Real Madridit në verë si lojtar i lirë.
Por bashkëlojtarët e tallën Mbappen duke e mbajtur një fanellë me emrin “Mbappe” në shpinë dhe vitin “2050 “nën të, duke sugjeruar në vazhdimin e marrëveshjes së tij me PSG-në deri në atë vit të largët.
Në mesin e bashkëlojtarëve të tij në aheng ishin të gjithë lojtarët spanjollë të PSG-së, përfshirë Sergio Ramosin. Pjesë e ahengut të Mbappes ishin edhe Achraf Hakimi, Rafinha Alcantara dhe Keylor Navas.
Çuditërisht, mungesa të theksuara ishin partnerët e Mbappes në sulmin e PSG-së, Neymar dhe Lionel Messi.
Në fotografitë e postuara në rrjetet sociale nuk u panë as Angel Di Maria, Mauro Icardi apo Leandro Paredes.
(Kosova Sot Online )
