Lexoni edhe:
Kopilët e Serbisë që i bënë qeveritë e kaluara nga LDK, PDK, AAK, NISMA dhe AKR do të ndalen vetëm falë Qeverisë Kurti!
Juventusi i zhgënjyer me Dybalan dhe De Ligtin: Lojtarët e sotëm janë më besnik ndaj menaxherit se ndaj klubit
Drejtori i Juventusit, Maurizio Arrivabene, i ka kritikuar ashpër dy prej futbollistëve kryesorë të klubit, Paulo Dybala dhe Matthijs de Ligt, duke thënë se lojtarët e sotëm janë më besnik ndaj menaxherëve sesa ndaj fanellës së klubit. Dybala ka një vit që i zvarrit bisedimet për zgjatjen e marrëveshjes me Juventusin, pasi kontrata e tanishme i mbaron në verë, dhe ende nuk ka ndonjë sinjal të qartë se rinovimi do të ndodhë.
Juventusit nuk i kanë pëlqyer aspak as deklaratat e Mino Raiolas, menaxherit të De Ligt, i cili tha javën e kaluar se holandezi është i gatshëm për hapin e radhës në karrierë.
I pyetur në lidhje me këtë, Arrivabene tha: “Ditëve të sotme, shumë lojtarë janë më besnik ndaj menaxherëve të tyre sesa ndaj fanellës së klubit”.
“Dybala është numri 10 i Juventusit dhe De Ligt është mbrojtës i madh. Ata duhet ta bëjnë punën e tyre, ne e bëjmë tonën”, nënvizoi ai.
“Është e lehtë të flasësh se sa shumë të bën për ngjyrat e klubit, por këtë duhet të dëshmosh në fushë. Dhe ne duam që ata ta dëshmojnë këtë”, shtoi ai.
(Kosova Sot Online )
