Lexoni edhe:
Liverpooli n’gjysmëfinale pas penalltive, kualifikohen edhe Chelsea me Tottenhamin
Trajneri i Milanit i dërgon mesazh Interit pas fitores kundër Empolit
Trajneri i Milanit, Stefano Pioli, ka këmbëngulur se gara për titull në Serie A është shumë e hapur, duke i dërguar mesazh të qartë rivalit Inter, pas fitores 4:2 ndaj Napolit në udhëtim të mërkurën.
Franck Kessie me dy gola dhe Alessandro Florenzi dhe Theo Hernandez me nga një gol i ndihmuan Milanit të rikthehet në binarët e fitores, me golat e Nedim Bajramit dhe Andrea Pinamontit që s’i mjaftuan Empolit për ta shmangur disfatën në Stadiumin Carlo Castellani.
Kjo ishte fitorja e parë në tri ndeshje për kuqezinjtë, pas barazimit me Udinesen dhe humbjes me Napolit në dy ndeshjet e kaluara, dhe Pioli ndihet i lehtësuar para pushimit dimëror.
“Unë gjithmonë dua të luajë më mirë se kundërshtari, por sot pikët ishin gjëja më e rëndësishme. Tani mund të pushojmë më lehtë dhe të përgatitemi për një janar të vështirë”
“Ky ishte një ekip që luajti më shpirt, i bashkuar dhe i përkushtuar për të fituar me çdo kusht”
Interi është kampion dimëror me një epërsi prej katër pikëve ndaj Milanit dhe me shtatë pikë më shumë se Napoli në vendin e tretë, i cili u trondit 1:0 nga Spezia.
“Më rëndësi është të vazhdojmë të jemi garues ndaj ekipeve të mëdha. Në fund të fundit, ne e fituam titullin kampion dimëror sezonin e kaluar, por në fund s’e fituam titullin e kampionit, prandaj gara është shumë e hapur”, shtoi ai.
Pjesa e dytë e sezonit 2021/22 në Serie A nis më 6 janar dhe Milani do të përballet me Romën në San Siro.
(Kosova Sot Online )
