Lexoni edhe:
Zbulohet lakuriq lidhja shpirtërore e Behgjet Pacollit me UDB-në serbe dhe katapultimi i tij në politikën kosovare përmes bashkëpunimit ruso-serb dhe krimit të organizuar!
Futbollisti shqiptar përfshihet në 11-shen e vitit në Hungari
Herdi Prenga është duke zhvilluar një nga sezonet më të mirë në karrierë teksa është shndërruar në një garanci për prapavijën e hungarezëve të Kisvarda.
Deri më tani, 27-vjeçari ka zhvilluar 15 ndeshje ndërsa ka shënuar edhe një gol.Këto statistika e kanë ndihmuar Kisvardën të renditet në vendin e dytë të kampionatit, vetëm një pikë pas kryesuesve të Ferencvaros ndërsa Prenga është bërë pjesë e formacionit më të mirë të fazës së parë në elitën hungareze.
Sakaq, mbrojtësi shqiptar rezulton edhe si më i miri kampionatit në rolin e tij, duke lënë pas krahëve të gjithë kolegët e tij mbrojtës.
Për Prengën ky është sezoni i dytë në radhët e Kisvarda, teksa kujtojmë se pjesë e kësaj skuadre është edhe ish-lojtari i Partizanit në Superiore, Jasir Asani. Ky i fundit luan sezonin e parë te hungarezët, teksa në 14 parqitje ka shënuar edhe katër gola.
(Kosova Sot Online )
