Lexoni edhe:
Klubi spanjoll për Messin: Madje as jashtëtokësorët s’mund t’i ikin këtij virusi
Mesazhi prekës i Florent Muslijat për tifozët e Hanoverit
Florent Muslija i është drejtuar tifozëve të Hanoverit me një mesazh prekës, pasi u largua nga klubi për t’iu bashkuar Paderbornit të dielën.
Përfaqësuesi i Kosovës Muslija iu bashkuar Paderbornit nga Hanover 96 si lojtar i lirë, në një marrëveshje njëvjeçare e gjysmë.
Mesfushori sulmues do ta vazhdojë karrierën në Bundesliga 2 – kategorinë e dytë të futbollit gjerman – por tani me një skuadër të re, Paderborn, me të cilën nënshkroi marrëveshje me kohëzgjatje deri më 30 qershor 2023.
Muslija i kaloi tri vite me ekipin e parë dhe kryesisht të dytë të Hanoverit, duke i bërë 17 paraqitje në Bundesligë dhe 60 të tjera në Bundesliga 2.
Ai iu drejtua me mesazh nw Instagram tifozwve tw klubit ku e bwri debutimin nw futbollin profesionist.
“Të dashur tifozë të Hanoverit, pas tri viteve e gjysmë, më duhet t’ju them lamtumirë. Dëshiroj t’i falënderoj të gjithë zyrtarët dhe tifozët për vitet ngazëlluese dhe të dobishme në Hanover.
Nuk do ta harroj kurrë debutimin në Bundesligë me fanellën e 96-it!
Siç e keni vërejtur, unë i jam bashkuar Paderbornit dhe mezi e pres takimin me juve në Paderborn.
Kujdesuni për veten! I juaji Florenti.”
Para se t’i bashkohej Hanoverit më 2018, ai e kishte kaluar tërë karrierën në Karlsruher, në akademinë e të cilës ishte zhvilluar.
Drejtori sportiv i Paderbornit, Fabian Wohlgemuth, e lartësoi kosovarin në një intervistë për uebsajtin e klubit.
“Florenti është ndërtues i lojës me përvojë në Bundesliga dhe Bundesliga 2. Me kreativitetin e tij ai i rrit mundësitë në skuadrën tonë”, tha ai.
Muslija debutoi për Kosovën në vitin 2019 dhe që prej atëherë i ka bërë vetëm shtatë paraqitje për verdhekaltrit. Ai nuk ka shënuar e as asistuar për Kosovën ende.
(Kosova Sot Online )
