Haaland do të takohet me Dortmundin për ta diskutuar të ardhmen

  • G.G /
  • 11 January 2022 - 14:39
Haaland do të takohet me Dortmundin për ta diskutuar të ardhmen

Borussia Dortmund janë në nxitim. Ekipi gjerman dëshiron të dijë sa më parë qëllimet e Erling Haaland dhe gazeta gjermane, Bild raporton se në javën tjetër do të mbahet takimi i madh mes dy palëve.

Sipas medias gjermane, Borussia Dortmund ka kërkuar një takim me babain e Haaland dhe agjentin e tij, Mino Raiola. Për të zbuluar nëse sulmuesi ka vendosur ta lë Dortmundin dhe të kërkojë aventurë të re.

Haalandit i përfundon kontrata në vitin 2024 dhe klauzola e tij është 75 milionë euro.

Për nënshkrimin e Haaland do të jetë një tjetër luftë mes Barcelonës dhe Real Madridit, por këtë herë jashtë fushave të blerta.

Një gjë është pothuajse e sigurt. Erling Haaland nuk pritet të largohet nga “Signal Iduna Park” në janar, kurse në verë mundësitë për largim janë shumë të mëdha. 

(Kosova Sot Online)