Lexoni edhe:
Zhegrova tregon pse e zgjodhi kampionin francez Lille, zotohet se do të japë gjithçka nga vetja
Pamje: Të gjithë të lumtur përveç Hazardit gjatë festës së trofeut të Superkupës së Spanjës
Eden Hazardi u duk tejet i palumtur derisa bashkëlojtarët e tij të Real Madridit ishin shumë të gëzuar gjatë festës së fitimit të Superkupës së Spanjës të dielën. Real Madridi e fitoi Superkupën e Spanjës duke e mposhtur 2:0 Athletic Bilbaon falë golave nga Luka Modric dhe Karim Benzema të dielën në Arabinë Saudite.Por derisa të gjithë festonin të lumtur, Hazardi nuk buzëqeshi qoftë edhe një herë.
Ish-ylli i Chelseat nuk u përdor fare nga trajneri Carlo Ancelotti në dy ndeshjet e Superkupës në Arabinë Saudite. Sulmuesi belg po kalon kohë të vështira në Santiago Bernabeu këtë sezon, pasi ka luajtur vetëm një herë titullar deri tani nën urdhrat e Ancelottit. Ai ishte lojtari i vetëm i palumtur i Real Madridit mbrëmjen e së dielës dhe e hoqi medaljen e fituesit nga qafa më vonë.
(Kosova Sot Online )
