A mund ta drejtojë Realin Ancelotti, edhe pse i ka skaduar licensa e trajnerit?
Federata Spanjolle e Futbollit (RFEF) ka konfirmuar se Carlo Ancelotti do të jetë në gjendje të ulet në stolin e Real Madridit, pavarësisht se licensa e tij e trajnerit ka skaduar më 31 dhjetor.
Ancelotti iu bashkua Real Madridit verën e kaluar pas ndarjes me Evertonin, pasi ai pasoi Zinedine Zidane dhe mori drejtimin e Los Blancos për herë të dytë si trajner.
Siç raportohet nga Corriere dello Sport, Ancelotti duhet të ndërmarrë disa kurse të detyrueshme për të rinovuar licencën e tij të trajnerit.
Por, RFEF konfirmoi për MARCA se italiani nuk do të ketë asnjë problem kur bëhet fjalë për drejtimin e Real Madridit derisa çështja të zgjidhet.
RFEF theksoi se trajneri i Real Madridit nuk përjashtohet nga respektimi i rregulloreve, ndërsa klubi dhe Ancelotti kanë kërkuar një mënyrë për të gjetur një zgjidhje.
(Kosova Sot Online)
