Lexoni edhe:
Aubameyang e pranon se hoqi dorë nga paga faraonike: Të luash për Barcelonën është mundësi që të vjen një herë në jetë
Pele vazhdon mjekimin në spital
Legjenda e futbollit brazilian, Pele, ka një infeksion urinar dhe do të mbahet në spital për më shumë se sa kishin planifikuar mjekët e tij.
Pele, 81 vjeç, i cili i është nënshtruar kimioterapisë për një tumor të zorrës së trashë që u hoq në shtator, u kthye në spitalin “Albert Einstein” më 13 shkurt.
“Megjithatë, gjatë qëndrimit të tij u kryen ekzaminime rutinë që treguan praninë e një infeksioni urinar, një fakt që zgjat qëndrimin e tij si pacient në spital”, raportohet nga mediat braziliane.
Sipas një raporti nga ESPN, Pele iu nënshtrua një endoskopie javën e kaluar që e dobësoi dhe ka vështirësi në të ngrënë dhe të folur.
Pele ka bërë kimioterapi për të trajtuar tumorin që u gjet gjatë ekzaminimeve rutinë në fund të gushtit. Ai u vendos për një kohë të shkurtër në kujdes intensiv menjëherë pas operacionit në zorrën e trashë dhe që atëherë është rikuperuar.
(Kosova Sot Online)
