Lexoni edhe:
Klitschko: Presim luftë të madhe, njerëz që s’kanë pritur kurrë se do të luftonin na janë bashkuar
Klubi i madh anglez sakrifikon milionat për Ukrainën, i largon tre sponsorë rusë
Edhe klubi tjetër i njohur i futbollit evropian, Everton, ka vendosur ta ndërpresë çdo bashkëpunim me rusët, në shenj sanksionimi ndaj Rusisë, e cila qe shtatë ditë po e sulmon Ukrainën në mënyrë agresive. Klubi i madh anglez ka njoftuar se tashmë ka vendosur ta ndërpresë bashkëpunimin me tre sponsorë nga Rusia. Bëhet fjalë për kompanitë ruse, USM, Megafon dhe Yota, prej të cilave Everton merrte dhjetëra miliona euro brenda një viti.
Në një deklaratë të klubit thuhej: “Të gjithë në Everton mbeten të tronditur dhe të pikëlluar nga ngjarjet e tmerrshme që po ndodhin në Ukrainë. Kjo situatë tragjike duhet të përfundojë sa më shpejt të jetë e mundur dhe të shmanget çdo humbje e mëtejshme jetësh. Lojtarët, stafi i trajnerëve dhe të gjithë që punojnë në Everton po ofrojnë mbështetje të plotë për lojtarin tonë ukrainas, Vitalii Mykolenko, dhe familjen e tij dhe do të vazhdojnë ta bëjnë këtë”, thuhet në njoftimin e Everotnit.
(Kosova Sot Online )
