Lexoni edhe:
Kjo Qeveri që i ka marrë mbi 50% e votave duhet të merret urgjentisht me zbardhjen e fatit të Fondit 3% dhe Vendlindja Thërret
E përkrahu Rusinë, Lewandowski e shkëput kontratën me kompaninë e njohur kineze
Robert Lewandowski e ka shkëputur përfundimisht marrëveshjen me sponsorin e tij. Arsyeja: korporata multinacionale kineze e teknologjisë – Huaëei e mbështeti Rusinë në luftën që po e zhvillon në Ukrainë.
Dhe, kjo ka bërë që sulmuesi polak ta ndërpresë menjëherë bashkëpunimin me këtë kompani.
Së fundmi Huawei u akuzua për përkrahje të agresorit rus, madje edhe e kishte ndihmuar atë në lidhjen e saj me internet, kur u sulmua nga hakerët që ishin në mbështetje të Ukrainës.
Siç dihet, sulmuesi i Bayern Munichut ka qenë njëri prej të parëve që e ka ngritur zërin kundër luftës së nisur nga Rusia në Ukrainë.
Madje, ai nuk dëshironte të luajë kundër Rusisë në play-offit të Botërorit, pa u marrë vendimi nga FIFA për t’i përjashtuar rusët nga garat ndërkombëtare.
Nga ana e saj, dega e Huawei në Poloni i ka uruar suksese Lewandowskit, ndërsa i ka hedhur poshtë akuzat për ndihmë të rusëve.
(Kosova Sot Online )
