Real – PSG, gjigantët në kërkim të çerekfinales së Championsit

Gjiganti spanjoll e ka mision përmbysjen e rezultatit, parisienët synojnë ta ruajnë kapitalin e lojës së parë. Në duelin tjetër të natës, Manchester City luan i relaksuar pasi është me një këmbë në çerekfinale pas fitores së thellë në Lisbonë ndaj Sportingut. Sonte do të zhvillohet ndeshja kryesore e së tetës së finales së Ligës së Kampionëve. Real Madridi dhe Paris Saint-Germaini do ta kenë përballjen e dytë në mes tyre në këtë fazë. Sfidën e parë e kishin fituar parisienët 1:0 falë golit të vonshëm të Kylian Mbappe.

Lexoni edhe:

Gjest i madh i ish-kampionit të botës: Krejt paratë që do t’i fitojë sivjet do t’i dhurojë për fëmijët ukrainas

Ndërsa sonte do të përcaktohet skuadra që do ta presë biletën për në çerekfinale të kësaj gare. Madrilenët me disa mungesa e kanë mision përmbysjen e rezultatit dhe kalimin tutje. Ata s’do të mund të llogarisin në Casemiron e Mendyn, kurse francezët në Sergio Ramosin. Nga ana tjetër, parisienët kanë shkuar në Madrid në tentim për ta ruajtur kapitalin e krijuar nga loja e parë. Në përballjen tjetër të natës, Manchester City është me një këmbë në çerekfinale. “Citizens” e kishin mundur Sporting Lisbonën në udhëtim, 5:0.Prandaj, ata sonte do t’i kenë 90 minuta relaksues.Të dyja ndeshjet do të fillojnë në orën 21:00. 

(Kosova Sot Online )