Rrahmani në mesin e mbrojtësve që vrapuan më së shumti në Itali
Futbollisti kosovar, Amir Rrahmani po e kalon një vit magjik me Napolin. Ai po shfaq stabilitet dhe siguri, ka hyrë në listën e qendërmbrojtësve që bënë më së shumti kilometra vrapimi deri tash
Amir Rrahmani është duke e zhvilluar sezonin më të mirë në karrierë.
Futbollisti kosovar e ka marrë në dorë mbrojtjen e Napolit, e cila është më stabilja në Serie A.
28 vjeçari po shfaq stabilitet së bashku me shokun e repartit, Kalidou Koulibaly.
Napolitanët në 28 ndeshje i kanë pësuar vetëm 20 gola.
Qendërmbrojtësi kosovar e ka fituar besimin e plotë nga trajneri Luciano Spalletti.
E angazhimi dhe kontributi i tij i madh po vërehet edhe në statistika.
Ish-futbollisti i Dinamo Zagrebit dhe Veronës është njëri prej mbrojtësve që ka vrapuar më së shumti këtë sezon.
Sipas “transfermarkt italia”, Rrahmani e ka një mesatare të vrapimit prej 10,4 kilometrash për lojë.
(Kosova Sot Online)