Lexoni edhe:
“Kosova është Shqipëri”, sherr mes tifozëve skocezë dhe atyre serbë
Muriqi s’e ka harruar Turqinë, e mendon rikthimin
Vedat Muriqi, i cili po kalon kohë të mira në Real Mallorca, një nga skuadrat e La Ligës, ka folur për ditët e tij në Fenerbahce dhe Lazio. Sulmuesi 27-vjeçar tha se do të rikthehej sërish në Turqi.
Vedat Muriqi , i cili iu bashkua Mallorcas nga Lazio në formë huazimi, ka folur për planet e karrierës së tij.
Duke bërë një deklaratë për Lig Radio , Muriqi ka folur edhe për ofertat që ka marrë nga Turqia.
“Para se të vija në Mallorca, kisha shumë ankth, por bëra shumë kërkime. Pasi erdha, u lumturova shumë. Njerëzit, qyteti, klubi… Gjithçka është shumë e bukur. Klubi është veçanërisht shumë i organizuar. E mbaj skuadrën në ligë deri në fund të sezonit dhe më pas jam i interesuar për karrierën time. Nëse ka marrëveshje do të doja të vazhdoja këtu. Do të doja të luaja në ekipe që luajnë vazhdimisht në elitë. Sidoqofte kam pasur eksperienca te ngjashme me Gençlerbirliği dhe Rize më pareë, tani dua t’i përdor këto eksperienca këtu dhe të luaj një rol për të mbajtur skuadrën në ligë. Sigurisht që mentaliteti këtu është ndryshe. Në Turqi nuk të durojmë duke e parë skuadrën tonë në rangun më të ulët. Ne duam të punojmë më shumë dhe patjetër të fitojmë. Megjithatë, humbja apo eliminimi këtu nuk është fundi i botës. Mund të themi se lojtarët janë pak më rehat në këtë drejtim”, tha ai.
Qendërsulmuesi i Kosovës tregoi se ka pasur oferta nga Turqia dhe se dëshiron që një ditë të ritkthehet aty.
“Sa herë që nuk kam luajtur në Lazio, kam dashur të luaj në Turqi si i huazuar. Kjo nuk funksionoi. Më duhet patjetër të jetoj në Turqi pas pensionimit. Unë jam 28 vjeç, por patjetër që një ditë dua të kthehem në Turqi. Aty kalova 8 vite dhe aty ndërtova jetën”, u shpreh ai.
Futbollisti kosovar luajti në 7 ndeshje në ligë me ekipin e tij të ri. Muriqi, i cili qëndroi në fushë për 629 minuta, shënoi 2 gola dhe 1 asistim.
Mallorca është në vendin e 16-të, 2 vende mbi vijën e rënies, me 26 pikë në La Liga, që ka edhe 28 javë.
(Kosova Sot Online )
