Tabela pas javës së 26-të, Ballkani rrit distancën

Kanë përfunduar të gjitha ndeshjet e javës së 26-të në Superligën e Kosovës në futboll.

Dy ndeshjet e sotme përfunduan me rezultat të njëjtë, Drita mposhti Prishtinën 2:0 dhe Ballkani Drenicën.

Pas 26 xhirove, Ballkani vazhdon të prijë, duke e rritur distancën me ndjekësit tjerë.

Suharekasit prijnë me 54 pikë, pesë më shumë se Gjilani dhe tetë më shumë se Drita. Në vendin e katërt gjendet Llapi me 41 pikë, pesë më pak se Drita që zë vendin e fundit që dërgon në garat evropiane.

Malisheva tani pozicionohet e pesta me 33 pikë, kurse një më pak kanë Prishtina dhe Drenica në pozitat gjashtë dhe shtatë.

Dukagjini gjendet në vendin e tetë që dërgon në play-out me 29 pikë, kurse dy vendet e fundit janë Ulpiana me 24 dhe Feronikeli me 12. 

(Kosova Sot Online)