Lexoni edhe:
Zbulohen emrat e lojtarëve më të shpejt këtë sezon në Ligën Premier, Rudiger befason të gjithë duke u renditur i pari
Thor Bjornsson pretendon se ai do ta shpartallonte “Njeriun më të frikshëm në planet”, pasi u etiketua ‘shumë i butë’ nga ai
Hafthor ‘Thor’ Bjornsson është zotuar se do ta “shpartallojë” Martyn Fordin pasi britaniku e talli atë se ishte “shumë i butë” përpara meçit të tij me Eddie Hall. Ish-kampioni më i fortë në botë, Bjornsson, më në fund u ndesh me Hall të shtunën, duke rrëzuar dy herë rivalin e tij në tokë në ndeshjen e tyre të shumëpritur të boksit, për të marrë një fitore me vendim unanim në Dubai.Bjornsson mund të përballet më pas me Fordin, i njohur si “Njeriu më i frikshëm në planet”, me kusht që luftëtari britanik të fitojë më 30 prill ndeshjen e tij të boksit kundër Sajad Gharibi i njohur si “Hulkut Iranian”. Ford kishte parashikuar më parë se Hall do të mundte Bjornsson pasi pretendoi se islandezi nuk ishte mjaft i fortë për botën e boksit.
“Thor ka qenë shumë i egër dy ditët e fundit. Siç thashë para kësaj lufte, unë mendoja se Thor është shumë i butë”, kishte thënë Ford për iFL TV para ndeshjes. Bjornsson, i cili gjithashtu luajti “The Mountain” në “Game of Thrones” ka thënë se do të ishte i gatshëm të përballej me Fordin nëse ai e fiton luftën e tij me Gharibin.
“Nuk jam dakord. Mendoj se do ta shpartalloj”, ka thënë Bjornsson për Boxing King Media duke iu përgjigjur një tjetër prej pretendimeve të Fordit se do ta mposhte islandezin në ring. Megjithatë, Bjornsson beson se Ford do ta fitojë me lehtësi luftën e tij muajin e ardhshëm.“Gharibi nuk duket fare në formë. Nuk e njoh djaloshin, por nga fotot që kam parë ai duket i madh. Nuk duket se ka qëndrueshmëri për të bërë më shumë se një raund për mendimin tim. Por nuk e di, do të shohim, kam parë disa pjesë të Martyn Ford, ai duket mirë”, përfundoi islandezi. Bjornsson ka thënë gjithashtu se do të ishte i hapur për t’u përballur me Hall në një revansh nëse rivali i tij do të pranonte një sërë kushtesh, të cilat përfshijnë një tatuazh me emrin e tij në trup.
(Kosova Sot Online )
