Lexoni edhe:
Kërcënimet publike të Vuçiqit kundër Kosovës zbulojnë planin e tij sekret!
Zbulohet klubi i ëndrrave i Lewandowskit, mund t’i bashkohet gjatë verës
Robert Lewandowski i ka idetë e qarta sa i përket së ardhmes së tij.
Sulmuesi polak ëndërron të transferohet në Real Madrid.
Për këtë është i sigurt mediumi spanjoll “AS”. Mirëpo, veterani i sulmit është i vetëdijshëm se prioritet i madrilenëve është Erling Haaland.
Dhe, nëse “Los Blancos” nuk arrijnë ta transferojnë sulmuesin norvegjez të Borussia Dortmundit, atëherë mund t’i vihen pas sulmuesit të Bayern Munichut.
Lewandowski nuk e ka vazhduar ende kontratën me gjigantin bavarez dhe kjo nënkupton se di mund të largohet nga “Allianz Arena” në verën që vjen.
Gjithashtu, interesim për ish-futbollistin e Borussia Dortmundit kanë shfaqur klubet angleze, por edhe Paris Saint-Germaini.
Po ashtu, spekulohet se atë e pëlqen edhe Barcelona.
Siç dihet, Lewandowski është zgjedhur futbollisti më i mirë në botë nga FIFA në dy vjetët e fundit.
Ai ka statistika të jashtëzakonshme dhe në dekadën e fundit ka qenë njëri prej sulmuesve më të mirë në Evropë.
(Kosova Sot Online )
