Lexoni edhe:
Shaqiri: Nuk do të festoja ndaj Kosovës, por nëse kam rast duhet të shënoj
Karim Benzema ka qenë protagonist gjatë fundjavës në emitonin “Turbo” që transmetohet në kanalin francez M6.
Ai ka folur për pasionet e tij, mbi të gjitha motorët, por edhe për gjërat tjera të jetës private.
Sulmuesi i Real Madridit nuk e la pa e përmendur birin e tij, Ibrahim, i cili do t’i mbushë 5 vjet në muajin maj.
Dhe, 34 vjeçari beson se pikërisht i biri i tij mund të jetë pasardhësi i tij në futboll.
Madje, shpreson që Ibrahimi një ditë të luajë po ashtu në Real Madrid.
“Biri im e ka një prekje të mirë të topit, kjo duket qartë”, deklaroi fillimisht ish-futbollisti i Lyonit.
“A do ta transferojmë në Real Madrid? Shpresojmë që kjo të ndodhë”, vazhdoi Benzema.
Përfaqësuesi francez thotë se duke e pasur parasysh mundësinë që Ibrahimi të inkuadrohet në akademinë e “Los Blancos”, e ka edhe miratimin e nënës së tij.
Shaqiri: Nuk do të festoja ndaj Kosovës, por nëse kam rast duhet të shënojLexoni edhe:
Benzema e ka edhe një vajzë, Melia, 7 vjeçare, dhe e ka thënë disa herë se dy fëmijët janë pika e tij e dobët, shkruan “Gazeta Express”.
Sulmuesi i rrezikshëm ishte lënduar në ndeshje me Mallorcan dhe nuk mundi ta ndihmonte Realin në “El Clasico” me Barcelonën, por e humbi edhe grumbullimin me Kombëtaren e Francës.
Ai shpreson të rikthehet edhe më i fortë pas pushimit, kur të përfundojnë angazhimet e Kombëtareve.
(Kosova Sot Online )