Lexoni edhe:
Festa e “trentë” e lojtarëve të Villarrealit në dhomën e zhveshjes pasi e eliminuan Bayernin
Xhaka: Nuk largohem nga Arsenali pa fituar diçka speciale këtu
Granit Xhaka është i vendosur të qëndrojë në Arsenal. Futbollisti kosovar e ka dhënë një intervistë për “Players’ Tribune Football”, ku i ka shpalosur planet e tij për të ardhmen. Përfaqësuesi zviceran në fakt ka thënë se ndihet mirë në Londër dhe se e ka ndërmend të qëndrojë aty derisa të arrijë ta fitojë ndonjë trofe me “Gunners”.“Pas këtij sezoni, i kam edhe dy vjet të tjerë kontratë këtu. Do të jap gjithçka derisa të jem në këtë klub. Gjithmonë e them këtë. Unë e nënshkrova kontratën e re për ta shijuar kohën time këtu dhe kjo është kjo. Unë dua të arrij diçka me këtë klub, diçka speciale. Dhe, pa e arritur këtë, nuk do ta bëj (largohem)”, deklaroi fillimisht Xhaka në pjesën e shkurtër të intervistës, e cila shumë shpejt do të publikohet edhe e zgjeruar dhe komplete.
Tutje, ish-futbollisti i Baselit dhe Borussia Monchengladbachut ka folur edhe për raportin që e ka me tifozët dhe me vështirësitë nëpër të cilat kalojnë futbollistët, e të cilat nuk vërehen nga tifozët.
“Unë dua të kem marrëdhënie sa më të mirë me njerëzit nga jashtë, me tifozët, të jem afër me ta. Ne nuk i takojmë kurrë ata, nuk kemi kurrë bisedime me ta. Ata vetëm na shohin në fushë, për 90 minuta dhe lamtumirë. Ata nuk e dinë se si ushtrojmë më parë. Ata nuk e dinë se si ndihesh, nuk e dinë këtë. Nëse e ke ndonjë problem në familje, as këtë s’e dinë, shumë detaje s’i dinë”, përfundoi Xhaka.
Futbollisti kosovar lidhet me një kalim të mundshëm në Romë, por pas deklaratave të fundit, rriten gjasat e qëndrimit të tij në “Emirates Stadium” .
(Kosova Sot Online )
