Mbyllen pjesët e para të gjysmëfinales së Kupës së Kosovës
Janë mbyllur pa gola pjesët e para të dy ndeshjeve gjysmëfinale të Kupës së Kosovës në futboll.
Llapi dhe Prishtina po përballen në stadiumin “Zahir Pajaziti” në Podujevë në ndeshjen e kthimit gjysmëfinale.
Kryeqytetasit e kishin fituar duelin e parë në shtëpi, 2:1 dhe po mundohet ta ruajë këtë avantazh.
Të dy ekipet i kishin rastet e mira në pjesën e parë, por s’ia dolën të realizonin.
Madje, prishtinasve iu anulua një gol për pozitë jashtë loje, shkruan “Gazeta Express”.
Llapjanët do të mundohen të përmbysin gjithçka në 45 minutëshin e dytë.
Edhe dueli tjetër ndërmjet Ramiz Sadikut dhe Dritës ka përfunduar me rezultat të bardhë, 0:0.
Gjilanasit e kanë krijuar një kapital të mjaftueshëm në ndeshjen e parë, të cilën e kishin fituar në shtëpi, 3:0.
Dhe, kryeqytetasit u treguan të pafuqishëm për ta ngushtuar këtë disavantazh në pjesën e parë.
Pas pjesës së dytë do të përcaktohen dy finalistët e Kupës së Kosovës.
Siç dihet, fitues aktual i këtij trofeu është Llapi.
E fituesi i Kupës së Kosovës e siguron pjesëmarrjen në garat evropiane.
(Kosova Sot Online)