Lexoni edhe:
Organizata prestigjioze amerikane më notë pozitive per pakon e Reformës në Drejtësi
Dietmar Hamann, ish- mesfushor i Bayern Munichut dhe i Kombëtares gjermane, ka folur për spekulimet e fundit rreth së ardhmes së Robert Lewandowskit. Sulmuesi polak duket se është i vendosur për t’u larguar nga “Allianz Arena”, por kampioni gjerman ndërkohë po mundohet ta bindë atë që ta respektojë deri në fund kontratën, e cila do zgjasë deri në vitin 2023.Ai ka qenë i ashpër ndaj lojtarit më të mirë në botë në dy vitet e fundit, të shpallur nga FIFA. “Lewa thotë se për të është një situatë e vështirë. Dua ta pyes nëse në pesë vjetët e fundit, kur ka flirtuar çdo vit me klube të ndryshme, a ka menduar ndonjëherë se sa e vështirë ishte për Bayernin. Ndërkohë, spekulimet janë përsëritur çdo vit, kur bëhej fjalë për Manchester Cityn apo për Real Madridin”, deklaroi fillimisht Hamann për “Sport DE”.
Organizata prestigjioze amerikane më notë pozitive per pakon e Reformës në DrejtësiLexoni edhe:
“Nuk e ka thënë kurrë se është i lumtur në Munich, ku ka fituar gjithçka. Nuk i ka më 24 vjet, nuk mund ta presë më një kontratë afatgjate. Askush nuk e di nëse do të shënojë ende shumë gola në sezonin e ardhshëm, e mos të flasim pas 2-3 vjetësh. Askush nuk mund të garantojë për këtë”, përfundoi ish-futbollisti i Liverpoolit. Për Lewandowskin flitet se mund t’i bashkohet Barcelonës gjatë verës që vjen, por gjiganti katalunas duhet t’i paguajë 40-50 milionë euro nëse dëshiron ta transferojë lojtarin në “Camp Nou”.
(Kosova Sot Online )