Barcelona s’do t’i luajë ndeshjet në Camp Nou në sezonin 2023/24

Barcelona do të largohet nga shtëpia e saj Camp Nou për sezonin 2023-24, ndërkohë që stadiumi do të rinovohet.

Klubi spanjoll ka marrë një leje nga këshilli i tyre bashkiak për rinovimin dhe puna do të nisë në qershor.

Ata do të jenë në gjendje të luajnë në një Nou Camp pothuajse me kapacitet të plotë sezonin e ardhshëm, por do të zhvendosen në stadiumin Olimpik në Montjuic për sezonin 2023/24.

Barcelona do të kthehet në shtëpi në sezonin 2024-2025 me kapacitet 50% dhe puna pritet të përfundojë në sezonin 2025-26.

“Prishja më herët do të nënkuptonte që të duhej të luanim sezonin 2022-23 me vetëm 50% të kapacitetit”, tha presidenti i Barcelonës, Joan Laporta.

“Për maturi dhe për të minimizuar rreziqet dhe për të mbrojtur të ardhurat e sezonit të ardhshëm, ne do të mbajmë një kapacitet praktikisht 100% dhe do të vazhdojmë të prishim shtresën e tretë kur të shkojmë në Montjuic.”

Barcelona dhe këshilli i tyre i qytetit po punojnë për detajet e lëvizjes në stadiumin olimpik në Montjuic, i cili priti Lojërat Olimpike të vitit 1992 dhe ishte shtëpia e mëparshme e rivalëve të qytetit Espanyol.

(Kosova Sot Online)