Lexoni edhe:
Publikohet raporti i Ministrisë për rastet e reja me koronavirus
Van Dijk zbulon se çfarë u tha Klopp në pushim, kur Villarreali po fitonte 2:0
Liverpool ishte në telashe serioze në pjesën e parë në Estadio de la Ceramica të martën mbrëma, pasi Reds u mposhtën 2-0 ndaj Villarreal. Megjithatë, ata u rikuperuan në mënyrë mahnitëse për të fituar 3-2 atë ndeshje dhe 5-2 në total, duke e rezervuar kështu vendin e tyre në finalen e Champions League më 28 maj. Kthimi i tyre në pjesën e dytë u ndez nga biseda e Jurgen Klopp në pushimin mes dy pjesëve dhe Virgil van Dijk zbuloi se çfarë tha trajneri në dhomën e zhveshjes në pushim.
“Ai tha ‘luani futboll, luani në mënyrën e Liverpool -it’”, tha Van Dijk për BT Sport. “Ai na tha të luajmë ashtu siç kemi luajtur gjatë gjithë sezonit, të marrim topin, të kemi shumë lëvizje në kuadrat dhe pas vijës së lartë, por edhe të tregojmë se sa shumë duam të shkojmë në finale”, tha ai. Mohamed Salah ishte gjithashtu i rëndësishëm në rikthimin e pjesës së dytë, dhe përshëndeti karakterin e ekipit të tij në fund të ndeshjes. “Ishte e vështirë në pjesën e parë, por më pas shkuam në dhomën e zhveshjes dhe [ Jurgen Klopp ] filloi të fliste dhe ne gjithashtu folëm me njëri-tjetrin”, tha Salah për BT Sport.
(Kosova Sot Online )
