Lexoni edhe:
Si funksionon “Legends Stage” dhe çfarë vjen pas tij?
“Gjyqtarët shkatërruan lojën tonë të bukur!”, Arteta nervozohet pas humbjes nga Tottenhami
Trajneri i Arsenalit, Mikel Arteta është ankuar në gjykimin e ndeshjes në humbjen ndaj Tottenhamit të enjten mbrëma në Ligën Premier. Me mundësinë për të siguruar një vend në Ligën e Kampionëve për sezonin e ri, Arsenali pësoi një përplasje të vetëshkaktuar kundër Tottenhamit të enjten, duke pranuar një penallti të hershme dhe duke mbetur me 10 lojtarë brenda 33 minutave. Cedric Soares u gjykua se kishte faulluar Son Heung-min në zonë në minutën e 21-të – një vendim me të cilin Topçinjtë nuk u pajtuan dhe protestuan ashpër – përpara se Rob Holding të merrte kartonin e dytë të verdhë në minutën e 33-të.
Tottenham kaloi në epërsi me dy gola në pjesën e dytë dhe zgjeroi avantazhin ndaj mysafirëve në pjesën e dytë për të fituar në fund 3-0. “Nëse them atë që mendoj, jam i suspenduar për gjashtë muaj. Nuk di të gënjej kështu që preferoj të mos them atë që mendoj”, ka thënë fillimisht Arteta për Sky Sports.
“Unë nuk jam i pakënaqur me lojtarët e mi. Jam krenar për lojtarët e mi. Dua që gjyqtarët të dalin para kamerës dhe të shpjegojnë vendimet e tyre. Është turp sepse sot u shkatërrua një lojë kaq e bukur”.
“Për të marrë atë rrezik, për të sjellë në qendërmbrojtësin Ben White në situatën e lojës nuk kishte kuptim. Fokusi ynë është Neëcastle. Kjo lojë është histori. Ai ndjeu diçka, kështu që shpresojmë se Beni do të jetë në formë dhe Gabriel do të rikuperohet pasi ne nuk kemi mjaftueshëm lojtarë në vijën e fundit”. “Kjo lojë është histori. Tani është Neëcastle. Kjo iku. Na doli nga duart dhe ne duhet ta pranojmë. Tani duhet të jemi skuadra që keni parë që në fillim. Ju humbni një ndeshje futbolli në kushtet që ne humbëm, është e dhimbshme, por kemi një ndeshje të madhe të hënën, kështu që do të përpiqemi t’i mposhtim ata”.
“Ne kemi dy ndeshje për të luajtur secila. Është në duart tona dhe tani duhet të bëjmë punën tonë. Ne u treguam që nga fillimi në këtë lojë”, përfundoi spanjolli.
