Gjykata merr vendim për Mason Greenwood

Sulmuesi i Manchester United, Mason Greenwood, mbetet në lirim me kusht pas një seance gjyqësore pas arrestimit të tij me dyshimin për përdhunim, sulm seksual dhe kërcënime për vrasje.

Futbollisti, 20 vjeç, u arrestua për herë të parë më 30 janar nën dyshimin për përdhunimin dhe sulmin e një gruaje.

Më pas ai u arrestua më tej nën dyshimin për sulm seksual dhe kërcënime për vrasje.

Në gjykatë është zhvilluar dje (23 qershor) seanca për lirimin me kusht të futbollistit. 

Një deklaratë e lëshuar nga Policia e Mançesterit të Madh tha se lirimi i tij me kusht mbetet.

Asnjë datë për ndonjë seancë të mëtejshme nuk është specifikuar në këtë fazë. 

(Kosova Sot Online)