Origi sot do t’i kryejë vizitat mjekësore dhe do të bëhet lojtar i ri i Milanit

Divock Origi ka zbarkuar dje në Itali.

Ndërsa sot, mediat e atjeshme e kanë postuar një video në rrjetet sociale, përmes së cilës shihet sulmuesi belg teksa hipte në veturë dhe u drejtohet zyrave të klubit.

Futbollisti i deritashëm i Liverpoolit do t’i kryejë sot vizitat mjekësore me “Rossoneri” dhe më pas do ta nënshkruajë kontratën disavjeçare,.

27 vjeçari u nda me “Reds” pasi i skadon kontrata këtë javë dhe palët nuk e gjetën gjuhën e përbashkët për vazhdimin e bashkëpunimit.

Dhe, përfaqësuesi belg vendosi t’i bashkohet kampionit aktual italian.

Origi do ta ketë konkurrencën e Olivier Giroud për një vend titullari tek Kuqezinjtë, në pritje të Zlatan Ibrahimovicit, i cili do të rikthehet në fund të vitit, nëse e vazhdon bashkëpunimin me Milanin.

Origi ka përfunduar shpesh në bankinë në “Anfield Road”, por ka ditur të jetë lojtar i rëndësishëm kur i është dhënë rasti nga trajneri Jurgen Klopp. 

(Kosova Sot Online)