Shpati Zekaj mposhtet në repesazh, mbetet pa medalje

Shpati Zekaj është eliminuar nga Lojërat Mesdhetare që po mbahen në Oran të Algjerisë.

Xhudisti kosovar u mposht nga kroati Marko Kumric me IPPON brenda një minuti.

Kështu, ai mbetet pa medalje në këto Lojëra Mesdhetare.

Shpati Zekaj në raundin e parë triumfoi ndaj italianit Enrico Bergamelli.

Por, në çerekfinale u mposht nga nënkampioni i botës, Aleksandar Kukolj.

Ndërkohë, Loriana Kuka arriti të kualifikohet në finale dhe ia siguroi Kosovës një tjetër medalje.

(Kosova Sot Online)