Zyrtare: Luuk de Jong bëhet me skuadër të re, nënshkruan kontratë 3-vjeçare

Luuk de Jong është rikthyer sërish te PSV Eindhoveni.

Klubi holandez ka njoftuar këtë të shtunë se ka arritur marrëveshje me sulmuesin për një kontratë 3-vjeçare.

Për de Jong  është ky një rikthim, pasi që ai nga viti 2014 deri më 2019 ka qenë pjesë e PSV-së.

31-vjeçari të premten kreu testet mjekësore te klubi nga Eredivisie, teksa sot u prezantua edhe zyrtarisht.

Sulmuesi holandez te PSV-ja kaloi nga Sevilla. Ai në sezonin e fundit luajti si i huazuar te Barcelona.

PSV-ja nuk e zbuloi çmimin e këtij transferimi, teksa raportohet se Luuk de Jong u ka kushtuar 4 milionë euro. 

(Kosova Sot Online)