Lexoni edhe:
Barcelona e zyrtarizon Kessien
Eriksen arrin marrëveshje me klubin e njohur
Christian Eriksen ka arritur marrëveshje verbale për t’ju bashkuar Manchester Unitedit.
Lajmin e ka bërë të ditur mediumi britanik “The Athletic”.
Mesfushori danez ka njoftuar se dëshiron të luajë në “Old Trafford” dhe se është i gatshëm për ta pranuar ofertën trivjeçare të “Djajve të Kuq”.
Klubi është duke e përgatitur kontratën dhe pasi të finalizohet ajo, 30 vjeçari do t’ju nënshtrohet vizitave mjekësore dhe më pas ta nënshkruajë kontratën.
Eriksen është lojtar i lirë pasi e mbylli eksperiencën në Brentford, ku i zhvilloi 11 ndeshje në pjesën e dytë të sezonit të fundit, me ç’rast e shënoi një gol.
Futbollisti ofsanziv në të kaluarën kishte luajtur në Tottenham në periudhën 2013-2022.
Më pas i ishte bashkuar Interit, me të cilin u nda pas sulmit në zemër që e pati në Euro 2020, për faktin se në Itali nuk i lejohej të luante me defibrilator në zemër.
Eriksen e kishte nisur karrierën në Ajax, ndërsa është njëri prej mesfushorëve më të mirë në Evropë në dekadën e fundit.
(Kosova Sot Online)
