Lexoni edhe:
Meritan Shabani nënshkruan me klubin e njohur zviceran
Juventusi ka shpenzuar mbi 800 milionë euro në pesë vitet e fundit, por mungon Championsi
Në vitin 2018, Juventusi ishte gati të dominonte futbollin evropian. Vera pas Scudetto-s së tyre të shtatë radhazi u pasua nga një merkato ku ata bënë disa nënshkrime të mëdha.
Zonja e Vjetër nënshkroi me Cristiano Ronaldon për 117 milionë euro, Joao Cancelo për 40.4 milionë euro, Douglas Costa për 40 milionë euro, Leonardo Bonucci për 35 milionë euro dhe Emre Can me transferim të lirë.
Ata shpenzuan 263.20 milionë euro për të forcuar një ekip që kishte tashmë Paulo Dybalab, Sami Khedira, Mario Mandzukic, Juan Cuadrado dhe Miralem Pjanic.
Një vit më pas, ata gjithashtu shpenzuan shumë, duke nënshkruar me Matthijs de Ligt (85.5 milion euro), Danilo (37), Dejan Kulusevski (35), Cristian Romero (31.5), Luca Pellegrini (22), Merih Demiral (19.5), Aaron Ramsey (i lirë), Adrien Rabiot (i lirë) dhe Gianluigi Buffon (i lirë).
Pavarësisht se shpenzuan deri në 230.5 milionë euro dhe fituan titullin e nëntë radhazi në Serie A, ata u eliminuan nga Lyon në raundin e 16-të të Ligës së Kampionëve.
“Ne kemi thënë që nga vera se Liga e Kampionëve është objektivi dhe do të jetë çdo vit”, tha presidenti Andrea Agnelli në atë kohë.
“Ne mund të vazhdojmë të rritemi. Ne kemi një ekip që garanton një të ardhme të madhe për Juventusin”, u shpreh ai.
Në vitin 2021, ata shpenzuan 155.31 milionë euro për të nënshkruar me Arthur (76), Nicolo Rovella (23.3), Alvaro Morata (20) dhe Rolando Mandragora (15).
Megjithatë, gjithçka shkoi keq atë sezon, pasi u eliminuan në 1/16 e Ligës së Kampionëve nga Porto dhe nuk arritën të fitonin Serinë A.
Juventusi jo vetëm që e dorëzoi fronin e tyre italian pas nëntë titujve radhazi të ligës. Ata nuk konkurruan as për titullin dhe luftuan për të siguruar vendin e katërt në ndeshjen e fundit të 2020/21.
Një sezon i vështirë, me Andrea Pirlon në fushë, çoi në rikthimin e Massimiliano Allegrit në stol dhe një ndryshim drejtimi në skuadër, i shënuar nga largimi i Cristiano Ronaldos në Old Trafford.
Edhe pse sezoni i kaluar ishte i pari pa tituj që nga 2010/11, duke përfunduar i katërti në Serie A dhe duke u eliminuar në raundin e 16-të nga Villarreal , Zonja e Vjetër filloi të hedhë themelet e projektit të tyre të rindërtimit.
Pasi u zyrtarizuan nënshkrimet e Dusan Vlahovic (81.6 milion euro) dhe Denis Zakaria (8.6 milion), Juventus nënshkroi Angel Di Maria në një transferim të lirë këtë verë, me Paul Pogba gjithashtu të rikthyer në klub.
Në total, Juventus shpenzoi 815.51 milionë euro në pesë sezonet e fundit. Asnjë ekip në Evropë nuk ka shpenzuar kaq shumë për transferime, pasi Zonja e Vjetër ndiqet nga Manchester City (653.66), Real Madrid (631.25), Barcelona (621.10) dhe Chelsea (619).
(Kosova Sot Online)
