Lexoni edhe:
Lewandowski i jep lamtumirën Bayernit, nesër niset drejt Barcelonës
Zyrtare: Argjend Malaj transferohet në Suedi
Argjend Malaj karrierën do ta vazhdojë në Suedi. Mesfushori vushtrrias ka nënshkruar kontratë 1-vjeçare me Ljungskile, me mundësi vazhdimi edhe për një vit të dytë. Malaj në sezonin e fundit ishte pjesë e Ballkanit, skuadër me të cilën e fitoi titullin e kampionit në Superligën e Kosovës. 28-vjeçari më herët ka luajtur edhe te Prishtina, Tirana, Skënderbeu, Kamza e Feronikeli. “Është një lojtar që ka fituar më parë dhe për këtë arsye i plotëson në mënyrë të mirë lojtarët tanë të rinj.
Argjendi ka përvojë që na ka munguar në skuadër. Veç kësaj, ai ka këmbën e majtë të bukur, është fizikisht i fortë dhe ka një ‘tru futbolli’ të mprehtë” tha trajneri i skuadrës suedez, Erik Lund. Ljungskile bën gara në kategorinë e tretë të futbollit në Suedi.
(Kosova Sot Online )
