Në klauzolën e kontratës së Lewas është cekur edhe numri që do ta mbajë në fanellë

Robert Lewandowski iu bashkua së fundmi Barcelonës pasi u largua përfundimisht nga Bayern Munichu.

Dhe, mediat spanjolle raportojnë se në klauzolën e nënshkrimit të kontratës është cekur edhe numri që do ta mbajë në fanellë sulmuesi polak.

Mediumi “Sport” raporton se ish-futbollisti i Borussia Dortmundit do ta mbajë në fanellë numrin “9”, edhe pse për momentin ai i takon sulmuesit holandez, Memphis Depay

Ish-futbollisti i Lyonit, ose do të largohet nga gjiganti katalunas ose i duhet ta marrë një numër tjetër, nëse qëndron eventualisht në “Camp Nou”.

Ndërkohë, në treg kanë dalë fanellat e Lewandowskit, prej të cilave Barça shpreson t’i fitojë 20 milionë euro, ndërsa lojtarin e bleu për 50 milionë. 

(Kosova Sot Online)