Aro Muric drejt transferimit te klubi nga Championship
Aro Muric është duke e kompletuar transferimin e tij te Burnley. Kështu ka raportuar këtë të premte “Daily Mail”.
Sipas mediumit britanik, portieri kosovar është duke përfunduar detajet e fundit për të finalizuar kalimin te klubi nga Championship.
Trajneri i ri i Burnleyt, Vincent Kompany, thuhet se luajti rolin kryesor që Muric zgjodhi kalimin në “Turf Moor”, pasi për të interesim kishin shprehur edhe disa klube tjera.
Transferimi i tij nga Manchester City te Burnley do të mbyllet për 3 milionë funte.
23-vjeçari është pjesë e “Qytetarëve” që nga viti 2015, teksa më 2018 ai ishte bashkuar skuadrës së parë.
Gardiani i Kosovës në sezonin e fundi ishte i huazuar te Adana Demirspor në Turqi.
Si i huazuar, Aro Muric ka qenë edhe te NAC Breda, Nottingham Forest, Girona e Willem II.
(Kosova Sot Online)
