Po organizohet njëri ndër rimeçet më të mëdha në histori të boksit: Mayweather dhe McGregor arrijnë marrëveshje për milionat

Conor McGregor dhe Floyd Mayweather thuhet se janë ‘shumë afër’ për të rënë dakord për një rimeç sensacional – pesë vjet pas takimit të tyre të parë në ring.

Amerikani rriti rekordin e tij të përsosur të boksit profesionist në 50-0 me një nokaut të raundit të 10-të ndaj irlandezit në vitin 2017.

Sipas The Sun, dyshja janë aktualisht në bisedime për një tjetër luftë.Një burim pretendon se kushtet personale tashmë janë rënë dakord mes dy luftëtarëve, por ende nuk ka një marrëveshje për numrin e raundeve, me ish-kampionin e UFC-së McGregor që dëshiron 10.

Lufta është caktuar të jetë në 70 kilogramë që do të kërkonte që McGregor të humbte një peshë të konsiderueshme, mbi 10 kilogramë.

Thuhet se Mayweather i ka ofruar McGregorit 157.9 milionë dollarë për ndeshjen e kthimit dhe thuhet se është i gatshëm të vendosë në linjë rekordin e tij të pamposhtur profesional.

Një burim ‘afër kampit të Mayweather’ i tha The Sun: “Connor do ta marrë luftën vetëm me kusht që Floyd të jetë i gatshëm të vendosë rekordin e tij profesional – kështu që lufta nuk do të jetë një ekspozitë, do të jetë një luftë zyrtare”.

“Do të jetë në 70 kilogramë. Kjo është ajo që ne dimë deri më tani. Do të jetë hera e fundit që Floyd del në ring, kështu që nuk duhet humbur”.

“Marrëveshja është shumë afër realizimit. Kushtet personale janë rënë dakord nga të dyja palët. Do të jetë një paraqitje përfundimtare”. 

“Floyd e sheh atë si fundin e epokës Mayweather dhe fillimin e epokës së Gervonta Davis”.

“Ai beson se do të jetë meçi më i madh që ka parë ndonjëherë dhe ka thënë ‘Njerëzit më së miri të jenë gati sepse do të jetë diçka spektakolare’”.

“Ka argumente rreth raundeve për momentin me ekipin e Connor që dëshiron 10 raunde. Por, marrëveshja dhe të drejtat sigurisht që po arrijnë atje”, thuhet më tej nga ky burim. 

Lufta e parë mes dyshes, e cila u organizua në Las Vegas, ishte ngjarja e dytë më e madhe në histori, duke tërhequr më shumë se katër milionë shikues.

Mayweather fitoi 250 milionë funte nga lufta, me McGregor që fitoi më shumë se 100 milionë funte. 

(Kosova Sot Online )