Cristiano Ronaldo flet për herë të parë për ‘gënjeshtrat’ rreth transferimit të tij

Sulmuesi Cristiano Ronaldo ka kritikuar ‘gënjeshtrat’ për të ardhmen e tij teksa foli për herë të parë që kur i tha Manchester Unitedit se dëshiron të largohet nga klubi këtë verë.

E ardhmja e Ronaldos ka qenë shumë e përfolur që kur njoftoi Djajtë e Kuq se dëshiron të largohet.

Shumë klube janë lidhur me emrin e tij, ndërsa kjo nuk i ka pëlqyer aspak sulmuesit portugez, i cili ka vendosur të flasë.

Në një postim të fshehtë në përgjigje të një llogarie fansash në Instagram, Ronaldo sulmoi mediat mes spekulimeve intensive për destinacionin e tij të ardhshëm.

“E pamundur të mos flas për mua një ditë. Përndryshe shtypi nuk bën para. Ju e dini që nëse nuk gënjeni, nuk mund të tërhiqni vëmendjen e njerëzve. Vazhdoni që një ditë të merrni ndonjë lajm të drejtë”, ka shkruar Ronaldo.

Sportsmail kupton se Ronaldo po i referohej një pretendimi në postimin nga llogaria e tifozëve se Sir Alex Ferguson kishte ndërhyrë në një përpjekje të dëshpëruar për të bindur lojtarin të qëndronte në Old Trafford.

Ronaldo dhe Ferguson gëzojnë një marrëdhënie të ngushtë – 37-vjeçari i është referuar menaxherit legjendar si baba dhe dyshja folën kur ishin të dy në Carrington gjatë të martës.

Ferguson kishte qenë në terrenin stërvitor për një takim të planifikuar më parë të bordit, por prania e 80-vjeçarit skocez shkaktoi sugjerime se ai ishte i përfshirë në situatën e Ronaldos.

(Kosova Sot Online )