Lexoni edhe:
Mërgimtari në aeroport: Dikur vetura, telefona, ora – jo mo, u kry edhe koha e çokollatave
Interi e refuzon ofertën e Chelseat për Casadein, klubet me vlerësime aspak të përafërta për çmimin e lojtarit
Chelsea u interesua për futbollistin e ri të Interit, Cesare Casadei, por oferta e parë e klubit londinez raportohet se është refuzuar.
Sipas “La Gazzetta dello Sport”, “Blutë” ofruan 7 milionë euro për mesfushorin italian, por nuk ka bindur aspak krerët e klubit nga Milano.
Interi thuhet se kërkon së paku 20 milionë euro për shitjen e Casadeit, si dhe në marrëveshje të përfshihet një klauzolë blerjeje.
Kërkesa e klubit italian për një klauzolë kthimi është diçka për të cilën Chelsea nuk do të bëjë kompromis, kështu që opsioni më i mundshëm është që “Nerazzurrët” të gjejë një marrëveshje me ndonjë klub të Serie A.
Sassuolo është një opsion i mundshëm për Casadei.
I riu nuk ka bërë ende një paraqitje zyrtare për ekipin e parë, pasi iu bashkua akademisë së Interit nga Cesena në vitin 2018. Ai ishte pjesë e ekipit të të rinjve që fitoi titullin sezonin e kaluar
19-vjeçari ka luajtur te Kombëtarja e Italisë në nivelet U16, U17, U18 dhe U19, derisa vlen të theksohet se ai luante për U19 të Interit në moshën 16-vjeçare.
Cesare Casadei me Interin ka kontratë të vlefshme deri më 30 qershor 2024.
(Kosova Sot Online )
