Lexoni edhe:
Kurti e Osmani: 80% të kohës folëm diçka tjetër, Blinken as që e përmendi Ballkanin e Hapur
Kepa Arrizabalaga pritet që ta vazhdojë karrierën e tij në elitën e futbollit italian – Serie A.
Spanjolli u bë portieri më i shtrenjtë në botë kur u transferua nga Athletic Bilbao te Chelsea për 72 milionë funte në vitin 2018, një rekord që ai ende e mban.
Megjithatë, Kepa nuk ka arritur që të dëshmohet te skuadra londineze, teksa ka humbur edhe garën me Edouard Mendyn për pozitën e portierit të parë.
Gianluca Di Marzio ka raportuar këtë të shtunë se Chelsea dhe Napoli janë afër për të arritur marrëveshje. Klubi nga Serie A tash e një kohë ka shprehur interesim për portierin.
Sipas gazetarit italian, marrëveshja parasheh që Kepa të kalojë te napolitanët në formë huazimi.
Klubi londinez pritet të paguajnë 75% të pagës së portierit.
Kepa Arrizabalaga shihet si zëvendësues i Davide Ospinas te Napoli.
Ndryshe, 27-vjeçari ka kontratë të vlefshme me Chelsean deri në verën e vitit 2025.
(Kosova Sot Online)