Kosovare Asllani përfshihet në ekipin më të mirë të “Euro 2022”

Kampionati Evropian i femrave përfundoi të dielën me triumfin e Anglisë kundër Gjermanisë.

Ishte një fund i mrekullueshëm i një muaji të shkëlqyer me futboll, në të cilin yjet ndoshta nuk ishin ato që prisnin më shumë.

Mediumi sportiv “Goal” e ka zgjedhur formacionin më të mirë.

Futbollistja kosovare kishte paraqitje fantastike, duke e ndihmuar Suedinë që të arrinte deri në gjysmëfinale.

“Çdo kundërshtare që del kundër Kosovare Asllanit di gjithçka për talentin e saj dhe çfarë mund të bëjë – por kjo nuk e bën më të lehtë që ta ndalojë atë. Asllani e drejtoi Suedinë deri në gjysmëfinale, duke u renditur e treta për rastet e krijuara, e dyta për asistime, e treta për driblime të përfunduara dhe i dyta për faullet e fituara”, shkruan Goal për paraqitjet e Asllanit.

“Futbollistet me aftësitë e saj shihen shpesh si lojtarë luksi, por Asllani ka një ritëm pune dhe disiplinë që është jashtëzakonisht e rrallë në pozicionin e saj. Asnjë lojtare nuk e fitoi topin në të tretën e fundit më shumë në Euro, me inteligjencën e saj taktike integrale në presionin e ekipit të saj”.

(Kosova Sot Online)